Himampak..
Nagtago nga gabakho, kay kasubo maoy nimando
Sa ibabaw ning galamhan ang kamatooran maoy labing gamhanan
Kahapdos sa pangos maoy gapa oraray ning mingaw'ng balay
Kasingkasing nga samaran hinaot pa unta nga matambalan
Ang bidlisiw ni haring adlaw daw sama lang sa takolahaw
Ubos ning pagyawit, ang kaugalingon maoy gihagit
Sa nataran sa kamatooran, galibog unsaon pagpasabot sa gipang gibagotbot
Latagaw galakaw galutaw, sama sa bukid nga na opaw
Ang kainit nakig lambigit, ang katugnaw nagbansisaw
Sa wala lang damha may nitunga ug nagpangutana
Diin makaplagan ang kalinaw ning dughan
sa layong dapit kaha nga di na mabahala
Kasikas sa pamalikas maoy kanunay gilampornas
Gihagit si kamatayan apan may nabatyagan
Way sama sa irong buang nga pamaak lay nahibal an
Padayon nga ga inusara, kay sa dula kinabuhi ikaw ug ako ang magtigi
-clyde 06/08/08 2:03pm
No comments:
Post a Comment