Ang Mangtas nga kape ug tsinelas..
Ambot kung unsang hitaboa, naay mga butang nga di nako masabtan aning mga bag-ong tubo karon. Di pasabot nga tiguwang nako ha, naa pako's ika ihuwahing baynte dapit nga pangidaron. Mo paanod-anod pa tawn ko sa sulog ning uso sa kinabuhi sama sa musika,sine,lulinghayaw, gabin-ong kinabuhi ug uban pa. Pero ang wa nako ma andi nga ang ordinaryong butang sama na sa giampoan.
Tan-awa ning bag-ong gikabuangan karon, nadani ta aning mahalon nga tsinelas. Kaniadto ang tsinelas kay tsinelas lang apan karon haskang hugyawa ug giludhan na. Ispuko mo nang andam mogasto ug syeti syentos ngadtos dosmil pataas basta lang makatunob ta aning nabantug kaayong Havaianas.
Ako gatubo sa tsinelas nga tag desi-otso pa tawn ang pares sa spartan. Adunahan naka kung makasul-ob ug Islander. Kahinumdum pako nga sa pagpaso nako sa ika upat nga grado ang dugay ko nang gi dumtan nga islander maoy regalo. Sama sa naandan ma islander o ma spartan ka man, ang tsinelas ko maoy katambayayong sa paghapak sa ok-ok, iduwa ug bato lata, o himoon kung lingkuranan sa sagboton namo nga nataran.
Wa ko magdahum nga nabali na ang panahon karon, kung ikaw maglatagaw sa dagkong tindahan o mga laaganan nya gasoot kag sapatos pasabot kana nga wa kay havaianas.
Sama ra sad kini sa kape, ang hinampak nga Starbucks gapailaila ta sa ilang labing mahala nga kape ug sa way duhaduha nadani sab kita. Humana ang adlaw sa Nescafe, Blend45 ug Dragon kape. Karon kung kape wa nay lain pilion kundili starbucks gyud.
Hupas na sad ang mga adlaw nga mosoot kag tsinelas kay nahubag or gikabahung ang imong lapalapa. Karon kung bisag asa ang tsinelas naa, dili lang kay komportable ka apan tungod sa marka nga sa tsinelas maoy gidala pakapinan pag bitbit sa kape nga init ug sa baso nga karton dayong pahit.
- clyde 70208_0631pm
